في ليله من الليالي اللي جمعتني باصحابي
وكان الوضع احلى من رائع
هنا لعب بلووت
وهنا سوالف
وهنا تعليق
وهنا طبخ
المهم
دق جوالي
ناظرت الجوال ومن فرحتي بالاسم اللي قريته
رديت وكلي فـررحه وكلي هنى
أنـا/هلا هلا هلا هلا والله بكل الغلا
طبعا الشباب سكتو استغربو من ترحيبي الحاار
واللي اكلمه/ رد اهلين فيك
انا/ اخبارك يا بعدي وربي مشتااق لك مووت
واللي اكلمه / بخير وبعد انا أكثر مشتاق بس طمني كيف حالك
أنا / دامك بخير انا بخير وهنى وسعد
اللي أكلمه / دووم يارب
أنـا/الله يسعدك
اللي أكلمه / انا عندي اختبار بكره وابيك تدعي لي
أنا /الله يوفقك باختبار الدنيا والاخره
وراح ادعي لك بظهر الغيب
الي أكلمه / الله لا يحرمنا منك
أنا/ ولا منك يالغلا
مع السلامه
مع السلامه
قفل الخط
وقفلت الخط
على طوول سألووني اصحاابي
وين ساكنه هالبنت
وانا مستغرب وش السالفه
اي بنت يرحم الله والديكم
قالو اللي تو كلمتك
انا انتهيت من الضحك
قلت لهم لا يا حبايبي اللي قبل شوي اخووي
طبعا الكل ما صدق كلامي
وانا حلفت ورب البيت هذا اخووي اللي كلمني
ولكن للآسف لم يصدقوني
انقهرت حييل يا جماعه الخير وربي وربي اللي كلمني قبل شوي اخوي
وبرضو محد صدق
.
.
.
طيب الحين يا عالم يا مسلمين
اخوك ما يحتاج منك كلام حلو
؟
ما يحتاج منك كلام يعدل نفسيته ويريحه
؟
ما يحتاج وقفه صادقه ومسانده قويه
؟
يا عالم يا هوووه
كل من عنده أخ اصغر منه
الله الله على أخوك خلك صديقه وحبيبه
خلك معآه مساند وعون مو فرعوون ههههه
الاخ اجمل هديه قدمت لك من أغلى اثنين الام والاب
فـ حافظ على أخيك وعامله كما تعامل اصحابك و أفضل
وأخيرا وليس اخيرا
ماصدقو اصحابي بأن اللي اتصل أخوي
وهل أنتم مثلهم ههههه
ورب البيت هذا اخوي اللي كلمني
الرئيسية