لا تمزقوا احلامـــي ...

المقدمـــــــــة
~
~

أقلامنا .. ليست الا نبض لمشـــاعرنا
نسطر بها شي مما يجــول في خواطـــــرنا ..
نبــوح عن طريقهـــا بشيء من واقعــــنا
من احلامنــا
امالنـــا ..نمحي بها ذكرياتنـــا الأليمـــة .. حينما نفرغها في اوراقنـــا ..
و نقتــل بها وعلــى مرأى الجميــــع .. ذاكــرة او شخــــص ما لكـــن بصوت مكتــــوم ..
ووحــــدهم أح ـبتي .. يعلمون مقصــدي ، من قصتــــي ..
..
فـ اهـــدي .. قصتي .. ((لا تمزقوا احلامي )) .. لكـــل أخ وأخت .. لهم بقلبي مكانة ..

القصــــة
الجـــوال تحت المخــده يرن .. بنغمة اعرفهــــا زين .. وافرح بسماعهـــا ..
نغمــة الحبيب الغالــــي ..
لكـــني مو قادره احــرك يدي .. ولا حتى افتـــح عيوني .. من شــدة النـــوم اللي فيني ..
لكـــن الجوال ما زال يــــدق باصرار .. بنـــفس النغمة ..
واستسلمت
ورفعــــت الراية البيضـــاء ..
ورديت بكـــل كســـل..
الووو
بدر : الو جوجو .. قلبي نايمـــه ..!!
هــاه لا ليش !! << الصوت فاضحك ليش الكذب
بدر : لــــي ساعه ادور حــول بيتكم بسرعــــه انزلي انا عند الباب ..
عند بابنــــا هالـــوقت .!
بدر: ايه .. معــــاي شي لك خذيه .. ما راح اشــــوفك ..
اوكي اوكي .. ثوانـــــي ..
سكرت وانا مو مستوعبـــه ومو مصدقـــه ..
مادري ..انا في حـــلم أو واقــــع ...
ومع ذلك نزلـــت ..
ببجامتي بنفس شكلــــي ما غيـــرت شي .. غيـــر اني غســـلت وجهــي ..
وانا بطريقي بديت استــوعب شوي .. فجلست افكر وش بيعطــــيني ..
وليـــش هالوقــت .. وفجـــاة كذا !!!
وقطـــع تفكيــري
ومحاولاتي بالتحليــــل .. ان الباب صـــــار بوجهي ..
فتحـــت الباب .. وكان بـــدر قدامي ما صبـــرت طبعا .. طلعــــت و سلمـــت عليه .. وعطــــاني الكيس ..
وعلق علي .. شـــوي وعلى شكــــلي ..
بدر: ايه ابد مو نــــايمه .. شوفي شــكلك واسمعي صـــوتك وتعـــرفين اذا نايمه او لا .؟ هع هع
هههههههههههه لا تدقــق انت .. تحب تحرجني يالــدب .
بدر : اوكي قلبي .. يله انا بامشي .. واول ما تدخـــليـن غرفـــتك دقي علي ,, انتبهي تفتحـــين الكيـــس الا وانا معــــاك عالخط اوكي ..
اووكي قلبووو .. يلا باي وانتبـــه لنفســـك .. ولا تســرع
بدر : من عيـــوني .. يلا بااي
..
سكــــرت البــــاب ومشيـــت ..
شوي
الا واسمع خطوات وراي .. وحســـيت بوجـــود شخص .. وشوي الا اسمـــعه ...
وينادينــي
نــــقلاء .. = نجـــلا بس بالمصري ..
لفــــيت عليه وطـــارت عيوني ..
مصــــدومه
مرتبــــكه
خايــــفه
يـــدي ترتجف .. قصدي كلــــي يرتجف ..
افـــــرك عيوني .. يمـــكن خيال
يمكــــن يتهــــيا لي ..
لكـــن
اشــــوفه يقــرب مني اكثر واكثر
وانا واقفه بمكــــاني من شدة الصدمــه ..
او لانعــدام الحيـــلة ..
وتأثير اللا ستيــــعاب ..
طبعــــا كان الشخص ..
سواقنا المصري الجنسية ..
قرب مني حـــط يده على كتــــفي .. وهنـــــــا انا بديت استـــوعب اني بحقيـــقه مو خيـــــــــال ولا حــــلم
اتمنى اصرخ بوجهه .. بس خـــــايفه
حتى صــــرختي لو بتطــــلع بتكـــون مكتومة .. صــامتة ..
ابي انــــادي .. لأهـــلي
بس ناايمين .. الوقـــت متــــأخر ..من بيســـــمعني .. ؟
وان ســـمعوني وشافـــوني .. وش بيفكــــني من اسئلــــتهم ..!!!
حيــرتي بأمـــري .. فاقت كل حــد ..
وقطعــــها
قـــربه مني اكثــــر لاحد ما صــــار يتنفـــس بوجـــهي ..
اجتمع علي خـــوف وقـــــرف ..
لحظتــــها
مادري كيـــف تصرفــت ..
وش اللي ســــويته .. !!
رميتـــه
او اني .. مادري !!!:roll:
ما حســــيت بنــــفسي الا وانـــا عنــد باب البيت الداخـــلي .. وقفلتـــه بسرعـــه ..
وطلعت فوق لغــــرفتي ..
وقفلت على نفـــــسي ..
جلســـت على الســرير وأنـــا مصــدومه
ودموعي محبـــوسه ..
مو مستــــوعبه
خايفـــــه لابـــعد الحدود
مو من شـــي واحــد .. من أشيـــاء ..
خايفـــة يقول لاهلي عن بــــدر
خايــفة يتجرأ مره ثـــــانيه ويتعــــرض لي
خايــــفه اركب معـــاه بكرا .. واروح المدرســة
قطعني من اللي انا فيه
صوت جــــوالي يدق
طبـــــعا كان المتـــــصل بـــدر ..
كــأن اتصــاله صحــاني من كابــــوس .. سمـــعت نغمته فــزيت ..
وبدت دمـــوعي تنسكب
مادري ليـــش بكيت !!!
يمكن ابـــي الراحـــه ..
و يمكن ابي اخــــفف الصــدمه ..
مادري .. !!
المهم اني بكيت ..
لكن للحيـــن ما ارتحت .. ولا هدا بـــالي
،
،
مــــا زال بدر يــدق
دقـــات متتـــاليه ..
وانا بيني وبيـــن نفسي ودي ولا ودي ارد ..
وبالاخير رديت ..
الووو
بدر : وينك جوجو .. عسى ما شر
ما من شر
بدر : صوتك مو طبيعي فيك شي .. صار لك شي ..!!
لا ما عليك ..
بدر : جوجو تكلمي .. صوتك مو عاجبني
زادت الشـــرهات فينــي .. وصـرت ابكــي بـــدون صوت .. دمعــة ورى دمعـــه
.. مو قادره اتكـــــلم انربـط لســاني من كـل شي ..
بــدر في حيــره وقلـق ..
ما اسمع الا تنهـــيداته .. وتوســـلاته
امرني باني اهـــدى واروق واحكــي له وش صــاير ..
وســـبب الحـــالة اللي انا فيها ..
بدر : جوجو اشربي مويه .. يمكن تهدين شوي ..
استجبت لطلبه بدون تفكير .. وكان موجــود على مكتبي علبـــة مويه .. شربتهـــا وهـــديت وهــدت أنفاســـي ..
و حكيت لبدر اللي صـــار بالتفصيــــــــــــل ..
،
،
بدر : ياااااااااااه هالحقير .. بس جوجو لا تتضايقين .. لا تشيلين هم ..
انا معاك وبجنبك .. والا نسيتي ان سعادتك اهم من سعادتي وبرضو راحتك
ما تدرين ان موتي ارحم من اني اشوف دمعة تنزل من عيووونك ..
ربي لا يحرمني منك ياغلاي ..
بدر : ولامنك .. اسمعي ..السواق ما راح يتكلم .. لانه غلط ..
أما سالفة انه يتعرض لك مره ثانيه .. انا بكرا باتبعكم بالسياره .. انتي متى تطلعين الصباح من البيت ..؟؟
اطلع الساعه 6 ونص .
بدر : انا بكرا الساعه ست وربع حول بيتكم .. اول ما تطلعين عطيني دقه .. وباتبعكم لحد المدرسه .. والظهر نفس الشي ..
اووكي قلبي ..!!،
،ما امـــري ومــا أمرك ..!!
منذ ان عرفتك .. منذ ان ارتحت لــك
منذ أن وثقــــت بك
منذ أن ريأيت فيك نفسي ..
ومنــذ أن دخلت قلـــــبي ،، من أوسع ابوابـــه ..
ومنــذ ان شغــلت تفكيـــري .. وأصبحت كل كيــاني ..
وجدتــني .. ودون ان ِأشعـــر
أو حتى أفكــــر ..
أو أتردد ولو للحظـــة واحــــــــــدة ..
وجدتني
أفصح لك عن مشاعري ..
كل مشاعري .. دون تردد أو خجل او خـــوف ..
أبوح بهـــا وكلي ثقة ..
إنني اتحدث مع نفسي ..
مع ذاتي
مع الانسان .. الذي طالما تمنيته .. وحلمت ان يشـــاركني
أحلامي
وفرحـــتي
وسعــادتي
وحتى همي وألمـــــــــي ..،
،
مـــادري وش الاحســـاس اللي اجتــاحني ...
مادري وش خـــلا دموعي تنزل .. بلا تـــــوقف ..!!
حاولت امسكها بس ما قدرت ..
اخاف لا يحس فيني بدر بس
فشلت ..
كان وجـــود بــدر معاي يعوضني عن الاخــو اللي يوقف بجنبي ويساعدني ..
وفوق كـــذا كان صــديق الا اقرب صديق ..
.. يفهمني ..
يشاركني احزاني ..
ويعرف اسراري
وحبيب .. اشوف منه الحنان والعطف .. والامــــــــــاااان ..
،،،،
قطع علي صمتي .. المستسلم لتفكيري .. وســـرحاني
صـــوت بدر ..
بدر : جوجووووو .. انتظر اتصالك بكرا اوكي !!
اوكي ياعمري انت ربي لا يحرمني منك ..
بدر : ولا منك ..يلا تصبحي على خير .. يابعدي ..
وانت بخير يا كل الخير ..
.. قمت الصباح ..
وفعـــلا دقيت عليه وتبعني بسيارته الى باب المدرسه ..
والظهر نفس الشي .. من المدرسه إلى باب بيتنـــا ..
استمرينا على هالحــــــال
الى تمام الشهــــــرين تقريبا ..
ما اخفيكم .. في كل مره اروح المدرسه وارجع منها وهو يتبعني ..
احس السعـــــــاده تملا قلبــــي
والفرحــــــه مو واسعتني ..
وابتســــــم ..
رغم خوفي من اللي قدامي ... ،
،
،
((للتوضيــــح والبيـــــــــــــان ))
أنا وحيـــدة العائلة ..
أبوي 24 س طالـــع من البيت ما عدا يــــوم الجمعة ..
امـــي 12 س نايمـــه
تمزقوا احلامـــي0 ساعات طالعه .. و ساعتين عند التي في و سواليف بالجوال ..
وأنا مدرسه .. نوم .. واكل .. وبدر طبعا الاخير ماخذ 3/4 وقتي .. فديته
.. ... .. ..
في الساعتين اللي تطالع امي فيها التي في .. كان فيه عرض أزياء .. لاحد المصممين الكبار
مادري وش ذكرها فيني .. واني ادور فستان لزواج بنت خالتي
ودقت علي انزل اشوف معاها العرض ..
نزلت وكان معـــــاي جوالي ..
وشـــفت معاهــــا .. وتشــــاورنا في الفســــاتين .. و و و و و الخ
لما خلـــــص
قالت لي دقــي على الخيـــــاطة تجي .. عشان نقولها
ودقيــت من جوالــــي بـــس ما ردت ..
شــوي وتقولي طيب جيبي قلم وورقه نرسمــه لها ..
قمت اجيب
قلم وورقه .. الا ويدق جوالي ..
ترن ترن نفس النغمة اللي صحتني ذاك اليوم ..
وانا بأول درجه .. يعني ما يمديني ارجع ..
وقفت بنص الدرج باشوف امي ترد او لا .. لكن ما زال الجوال يدق ... فبأسرع ما عندي رحت لغرفتي جبت الورقه والقلم
ونزلت بنفس السرعه ..
وعطيت امي القلم والورقه ..
وعلى طول شفت جوالي .. وكان متغير عن مكانه ..
تغير وجهي انقلب لوني .. كان فيني ارتباك نوعا ما ..
لكن شفت على شاشه الجوال .. مس كول ..
ارتحت يعني ما ردت ..
بدا لوني يرجع طبيعي ..
امي : جولي .. دق جوالك احسبه الخياطه ..
بتلعثم اييه هههههه لا تخيلي هذا رقمها ..( رقم بدر شوي مميز )
امي : لما شفت الاسم والرقم عرفت انه مو هي ولا رديت
حلو .. ماما تامريني شي عندي واجبات
امي : لا سلامتك ..
وطلعت فوق وانا قلبي احسه بيطلع مادري بتوقف دقاته من الخوف ...
ودخلت غرفتي
وشــوي الا يرجــع يــدق بـــدر ..
وارد عليه .. ولا كأن شي صاير طبعا ...
فجـــــــــأة وبدون مقدمات
ينفتح بــــاب غرفتي ..
عيوني معلقه ع الباب اللي نسيــت اسكره وراي ..
الا وتطــلع لي أمي ..
ماما .. هلا بغيتي شي .. << عشان يعرف بدر بس
امي : هذي واجباتك !!
ههههههههه .. دق جوال مره ثاني ورديت ..
امي كانت تتمشى بغرفتي .. وانا مرتبكه لا بعد الحدود .. لان هديه عيد ميلادي من بدر كانت على طاولتي .. وموجود فيها اسمه
اضطريت اسكر من بدر ..
واتابع اللي قاعد يصير ..
وصار اللي توقعته
شد انتباه أمي شكل الهديه شكلها كان شوي غريب
وقالت : مرره حلــــوة .. من وين !!
طبعا قالت هالكــــلام قبل لا تشــوف الاســم .. وجاوبت عليــها الهديــه بنفسها ...
شافت الاسم : اهداء من ..( .. بدر حياتك ... يانجلاء حياتي .. )
انا طبعا واصله حدي من الخوف والارتباك ..
مو مستوعبه اللي قاعد يصير قدامي
مستسلمه .. قصدي متحنطه .. من شده الموقف ..
ما يتحرك فيني الا عيوني الي تراقب اللي قاعديصير
امي بالقرائن .. انقلب شكها ليقين ..
بجوالي اسمه .. بدر حياتي
هنا الهديه بدر حياتك
ارتباكي في الوقتين .. تغير ملامحي ... ولوني ..
تلعثم لساني ...
..
كشف لها المستـــور ...
..
،
،
،
نظره من امي .. كانت تكفـــي ..
مو محتاجه اسمــــع أي كلام ..
مو محتاجه اي شي يبين ردة فعلهــا
طلعت امي .. وتركتني ..
بعد نظرتهـــا اللي جهلت معنـــاها
هو لوم
وعتب
او استحقــار .. او صدمـــــــه !!!!!!
تصرفها استنكرته ..
او ما استوعبته
وفي حالة اللا وعي
لحقتها ..وانا دموعي على خدي
كنت محتاجتــــها .. غيابـــها عني هو ســـبب اللي انا فيـــه
ضميتهـــا بقووووة .. وبكيت على صدرها
ماما سامحيني ..
ماما مادري وش اقولــك .. بس
ضمتني أمــــي .. بأقوى من ضمتي لها ..
ضمة بدل ما تريحني تعبتني أكثر
وأكثر
باحكي باشرح .. بابرر.. ما عرفت
لساني مربوووط ..
ياهو كثير يحرجني
ياهو كثير يخذلني اذا احتجته ..
،،
،،،
أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
و أنا ادري بمدى جرحك ..
وادري الحظ جافيني
..
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني،،،
،،
امي : جولـــي .. اهدي يابنتي ..
( ياحلوها كلمة بنتي على لسانها .. اول مره اسمعهــا او اني اول مره احس فيها ,,)
دخلتني امي بغرفتهــــا
وانا مو قادره ارفع عيوني واحطها بعيونها ..
لكن هي رفعت وجهي بيدها .. وطلبت مني اطالعها .. واتكلم
وتكلمت .. وشرحت ..وحكيت لها موقفه معـــاي ..
لاني
ما ابيها تحرمنـــي منه
ما ابيــها تشك فيه .. او تقلل من قيمته ..
ما ابيها تسيء ظنها فيه .
>>
وهو اللي
أسقى روحي بحنانه..وملأ قلبي أمان
بوفائه..
صرت أشوف معاه في الدنيا جمال و روعة..
كل شئ معه أشوفه جميل ..
لحظاتي معه هي أغلى وأحلى مامر علي من
لحظات..
غمرني بعطفه ،، أسرني بحبه ..
ملكني بصدقه ،، سحرني بحنانه ..
كنت أهرب من عالمي بحث عن عالمه....
،،
.
.
سمعتني .. لآخر كلمــة ..
وبعدهــا تكلمت ..
أمي : يا جولي يا بنتي .. تدرين ان الام تحس ان بنتها مثاليه .. ومافيها مثلها ..
وانها كامله .. انا شفتك كذا .. وما راح اقول تغيرت صورتي .. لا ما راح اقسى عليك .. لكن
باقولكـ .. بأسعى لهالشي بنفسي ..
السواق .. باسفره واجيب واحد بداله فما راح تحتاجين احد يحرسك او يتابعك
جوال مافيه ..
نوم بغرفتك مافيه .. خلك معاي وعندي ..
ماما .. وقبل لا اتكلم جاوبت دموعي
قرار قاسي .. بس .. مادري ..
نفذت امي كلامها بالحرف الـــواحد
خذت الجوال مني
وصرت استخدم جهازها
معاها دايم .. وتحت عينها .. حتى النوم يكون معاها ..
"
"
.. بدر ما زال في بالي .. واول الايام من هالقرار تعبت كثير كثير .. وامي كانت ملاحظه هالشي ...
،، حاول وأحاول يصير فراقنا عادي .. الله عطانا العقل حتى يعينا ...
.. ترى اللي يسليني عن مشاهدك ذكــراك ..
أنا مستحيل أنساك لك أخاف انت تنساني .. ،،
لكن بعدين ..
ومع الايام ..
تعلقت بأمي أكثر و لدرجه كبيــره ..
وصارت لي اخت وصديقه وحبيبه .. وام واب .. صارت لي كل شي .. ما استغني عنها
عشت احلى ايامي ..
حتي هي كانت مبسوووطه مره ..
دايم سوا ما نفترق ..
نسولف
ونضحك
ونتسوق
وناكل وننام ..
مو انا بس تغيرت حياتي .. حتى امي تغيرت حياتها ..
فالنظام هذا جديد علينا كلنا ..
بدر ما ادري عنه .. ولا اعرف اخباره .. ولا حتى أحواله ..
ولا ادري اذا هو يفكر فيني او لا ..
انا وامي على هالحــال ست شهـــور تقريبا ..
وبما إن دوام الحال من المحال ..
ولما نتعلق بشي .. ونحبه .. نفقده ..
امي تعبت صحتها .. وتعبت انا معاها ..
تدهورت حالتها .. بعد ما تعلقت انا فيها
مكتوب علي الشقا
مكتوب العذاب والألم ..
من انولدت ..
و يوم بعد يوم .. وامي بالمستشفى .. حالتها صرت شبه ميؤس منها ..
وما طول وجودها بالمتشفى ..
لانها
فارقت الحياة كلها .. وفارقتني السعاده ..
بكيت .. لاحد ما جفت دموعي ..
وبكيت الدمع دم
راحت امي وتركتني .. لوحدتي
وللوحشه .. ولا حتى ودعتني
ولا خذتني معاها ..
نفسيتي تدهورت
فقدتها .. حياتي ولا شي بدونها غير فراغ أسود يخووف ..
فقدت استقبالها لي بصاله الجلوس اذا رجعت من المدرسه
فقدت جلستنا على طاوله الطعام للغداء
فقدت نومتنا الظهر ..
وسواليفنا وتسوقنا العصر
فقدت حياتي كلها ووجودي .. وما بقى مني الا جسمي ..
كرهت الناس واللي حولي ..
ما ابي احد ولا ابي قربه ولا وده ..
ابي امي .. بس ولا ابي احد غيرها ..
آه من اللوعـــة الغالبة ..
آه من الدمعة الساكبة ..
وهو يصير ترجع !!
لا لن تعود
وان ترجعها الدمــوع .. لأن مصابي فيها كبير ..
وصبري على فقدها ياعسيــر ..
ياليتني .. من قبلها غيبت في لحد عليه الصخــور ..
أمـــي
قلبي لفقــدك جد حزين ..
دمعي لعيني سجيــن
وعقلي في قبرك رهيـــن
فيا من غاب عني وهو روحي .. وكيف أطيق عن روحي انفكاكا ..
وما فارقتني طوعـــا ولكــــن .. دهــــاك من المنــــية ما دهـــاك ..
فيا قـبر الحبيب ..وددت أني .. حملت ولو على عينـــي ثراكــــا ..
..
،
،
،
كنت بالبيت لحالي .. مع الخدامه والسواق ,, وابوي اللي مسافر دايم ..
ما تغيرت حياته ولااثرت وفاة أمي عليه بشي ابدا ..
فجاء القــرار القاسي ..
المدوي ..
بعد اقتراحات ومناوشات ..
اني بنت وصغيره .. وابوي دايم مسافر .. ما يصلح اعيش ببيت لحالي ..
فقرروا انتقالي للسكن ببيت خالتي ..
ليش ..! مادري
هم يقررون انا انفذ .. كأني رجل آلي ..
عشت ببيت خالتي .. لفتره
وما سلمنا من الحكي ..
البنت في بيت خالتها .. والخالة عندها اولاد .. ما يصير ..!!!
فطلعت قرارات جديده ..
قررت خالتي تزوجني ولدهـــا : محمـــد :
هنــــا
صحيت من غفلتي وقمت من سباتي ..
و
استوعبت اللي قاعد يصير
لكني ما تكلمت .. ما ابدت أي ردة فعل
لان محمد كان رافض هالفكـــره .. وأصــلا مسافر ..
كل اللي سويته اني رجعت لبــدر .. ورجعت علاقتي معـــاه
وشرحت له الأوضاع ..
ومافيها من أوجـــاع ....
وصدمـــتي من اللي صار واللي قاعـــد يصيــــر ..
،
،
اجمل ما فينـــا .. مهمــا تباعدنا عن بعضنا ..
عرفنــا قيمة بعضنا ، وأدركنــا أننــا لبعضنا ..
ورجعنــا لبعضنــا
لأننــا ما نستغني عن بعضنــا
وفي حاجة لبعضنــا ،
،
قلب بدر وفي ... ما زال يحب
ما زال مخلص .. ويعطي ولا ينتظر عطا ..
من غير لا ادري .. لكن حسب اللي وصلني
انه
كلم امه .. قالها باتزوج نجلاء الـ .....
لكنها رفضت ..لأنها تبي بنت لولدها عائلتها سمعه .. تليق بمقام ولدها وسمعة عائلتها ...
،
،
،
رجــع محمـــد ..
واستسلم لامر أمه .. مو لضعف شخصيته .. بس لعدم مبالاته ..
وبصراحــه اجهل الاسباب .. كل الي اعـــرفه ..
انه شخــــص متمـــرد ..
تصرفـــاتعه عجيبــه غريبــة ..
بدر كان يدري بكل شي .. الصغير قبل الكبير
كنت اقوله كل شي بالتفصيل الممل ..
وكان يستمع .. بانصات .. ويواسيني ..
واذا احتاج الامر انه يبكي بكا معاي .. خاصه لما اجيب سيره امي - الله يرحمها -
..
،
،
،
تمت خطبتي من محمــد باستسلام مني ..
لضعفي .. لعجزي ..
مو لرضـــــــــــــــاي
..
.. خبروني
جاوبوني !!
كيف ارده .. كيف اتجرأ واقول لا ..
كيف اواجه خالتي
ومعروفها ..
كيف وكيف وكيف !!!
بدر قوتي .. لكن بهالموضوع ما بيده شي ..
ولا له حيله .. ولا قوة ..
كان سلاحي دعائي لربي وتوسلي له .. انه يرحمني ..
..
،
،
،
محمد كان على اتصـــال فيني بما اني زوجته .. بعد الملكـــة
وانا على اتصـــال مع بدر لانه أهلي كلهـــم بعد ما ضاقت بي الدنيا ..
وسكرت ابوابها بوجهــــــي
.
.
كنت اشكي لبدر كل يوم ..
وابكــي عنده ..
كنت افرغ كل شي فيه ..
وكان يصبر ويتحمل ..
.
.
تزوجت من محمد .. بعد ملكة مدتها ليست بطويله ..
زواج بسيط في بيت خالتي ..
بعده
على طول سافرنا لدبي ..
.
.
.
وبالفنـــــدق ...
طلعت مشاعري على حقيقتها ..
انكشف عنها ستار الزيف والخداع والمجامله ..
العروس اللي المفروض يلبسها الحيا بدل ما تلبسه ..
مو موجوده فيني ..
قلت بكل جراة الكون .. محمد .. لا تفكر تلمسني .. ولا تقرب مني .. والله لو يدك تلمس يدي تشوف شي ما يسرك
هو مصدوم
أو متعجب
او مستغرب ..
مادري .. مافهمت ردة فعــله .. وما طــول ساكت ..
محمد : نجلاء .. تعرفين انا ما تزوجتك لاني ابيك .. تزوجتك لان امي طلبت ..
بس مو معناها تقولين كذا ..انت زوجتي
مادري وش اقول .. لاني مادري وش قلت قبل .. ومتعجبه من نفسي بقووة ..
ولما شافني بهالحــاله .. تكلم
وقال : انا طالع .. تمتعي بيومك ..
وفعلا طلع وما رجع الا الفجر ...
ومن بكرا نفس الشي ..
واللي بعده .. سهر بالليل .. ونوم بالنهـــار ..
ويجيني بحال الله العالم فيه .. العقل نصه مو معاه ..
الله يكفيكم ويكفيه الشر يااارب ..
صحيح انا طلبت منه ما يلمسني .. لكن مو معناها يسوي كذا ..
صحيح .. انا مرتاحه منه .. لكن برضو خايفه .. ما يصير يتركني بالفندق لحالي ..
وبعد تفكيـــر ..
دقيت على بـــدر وحكيت له اللي يصيــــر ..
وطلبت منه الراي والمشوره
وسمعني ..
ونصحني ..
وشار علي .. باني اتصل على ابوي واقوله ..
وفعلا اتصلت .. وما رد
ورجع دق علي ..
أبوي : هلا بعروستنا .. هلا
هلا فيك بابا .. كيفك
أبوي : الحمد لله دام بنتي مبسوطه
بس انا مو مبسوطه
أبوي : ليش !!! وش فيك !
ابيك تجيني بدبي .. محمد يسهر بالليل .. ويرجع وحالته تخوف .. وينام النهار كله ..
أبوي : تحكين جد انتي .!
اي والله .. مااكذب
كنت اتكلم وانا وسط دموووعي .. وهي اللي خلت ابوي يصدق اللي انا فيه ..
وفعلا جا ابوي عندي
وقابل محمد وكلمه ..
لكن محمد .. قدر يدافع عن نفســه .. وياخذ منعي له حجــــه ..
وتهزات من أبـــوي .. وطلــع .. :(
..
،
،
،
دخل علـــي محمد .. وكمل علي الهـــواش .. والصـــراخ
واللــــوم ..
بغيت انهــــار ..
او اني انهرت ...
وجتني قوة فجـــأه خلتني أصرخ
بوجهه .. وقلت كفــــايه ..
مافي قلــــوبكم رحمـــه ..
انت ما تبينـــــي .. وانـــا ما ابيــــــــك ..
ليش تكـــذب
ليش تحطــــها براسي !!
ليش انت انــاني .. ونصــــاب !!
خـــــواف ..
او
وش اسميــــــك ..
كيف باستند فيك وانت كذا !!
كيف باشوف قوتي فيك وهذا طبعــــك !!
مكتوب علي الشقا ..
مكتوب علي التعــــب .. والهـــم ... والأوجــــاع ..
كان محمد ساكت
ولا يحرك ساكن .. وعند آخر كلمة قالها لساني ...
مسكني ..
وجلسني ..
وقال : خلصتي كلامك !!
ما جاوبت ..
محمد : نجـــلاء ..!! ما تبيني انتي قلتيها .. في حياتك شخص ثاني ..!!
ما جاوبت .. وكانت الاجابة في عيوني ..
محمد: حاس فيك .. من قبل الخطبــه .. لا تسالين كيف ..
انتي مظلومه وانا مظلوم ..
لا يهمك .. مالك الا اللي يسرك .. ما راح اكون عقبه لسعادتك ..
نرجع السعوديه بكرا ان شاء الله .. وتجيك ورقة طلاقــك
ما طلع مني اي جواب غير الدموع ..
ملطفة الجروح ..
وقام تركني ..
انا كنت مبسوطه .. بداخلي .. بس خايفه من اللي بيواجهني ..
وكل اللي سويته بعد ما طلع محمد من الباب ..
اني دقيت على بــدر وقلت له اللي صار
وما تتخيلـــون كيف فرح لهالخبــــر .. وطمنتنــــي فرحتـــه .. واسعدتنــي
ورجعـــت الحياة لقلبــــي ...
،
،
،
كان محمد عند كلمته .. رحت بيتنا .. بيت ابوي يعني
وجتني ورقة طلاقي .. ياهي قبيحه .. الا في عيني .. كانت أشبه بشهادة لميـــلادي ..
أبوي رفض إني ارجع لبيت خالتي .. وفضل جلستي بالبيت ..
وفي لحظه .. وانا اتابع مسلسل كويتي ..
دق جوالي بنفس النغمة اللي صحتني من نومي
واللي كشفتني أمي بها ..
ورديت ..
هلااا وغلااا
بدر : هلا فيك يا غلا روحي ..
كيفك .. بشرنا عنك
بدر : مشتاق لك كالعاده بس اكثر
هههههههههههه الله لا يحرمني منك .. طبعا مو اكثر من شوقي لك
بدر : جوجو .. ابي اخذ موعد منك .. بنزوركم !!
تزورونا .. من انتو .؟
بدر : انا وامي ..
تعجــبت .. استغربـــت .. وش جاه الولد يستهبل ..
يستعبط !!
بددددر صاحي انت .. والا وش سالفتك !!
بدر : ما تبيني اجي !!
الا ابيك تجي بس امك ليش ؟
بدر : بتخطبك ياذكيه .. بتشوف زوجة ولدها اذا يمكن ..
... صمت
،
،
يوووه مهما قلت ما راح اوصف لكم شعوري هذيك اللحظه .. آآآ ياحلــــــــــوها ..
وفعلا .. جا بــدر ..
وطلب يشوفني .. وابوي قال ما عنده مانع ..
وفعلا دخلت عليه .. يقالك بما قد شافني ( وجه يغمز )
بس والله كنت مستحيه حبتين ..
والخطه ماشيه على ابوي .. تمام التمام .. مضبوط التمثيل ..مني ومنه لا عدمنا بعض .. قولو آمين ..
وطبيعي ارتحت له
وارتاح لي ..
(( ماشيه الخطه تمام حتى عليكم ))
نسيت احكي لكم ... رجع قال لامه انه يبغاني .. وما لا يبغ غيري مهما حاولت أمه ... ومهما قالت .. حركات ما تلاقونها عندنا بالسعوديه الا نادر النادر هههه
وتم الزواج .. وصار مثل ما تمنيت ..
لكن ينقصه وجــود أمي ..
لكني متــأكده انها حاسه فيني ..
الله يرحمها ويغفر لها ..
..
]وانتهت القصه
تحياتي للجميع .. ومشكورين على طول بالكم

شكرا لك